ரெஸ்டோபார் கொலை வழக்கை சிபிஐக்கு மாற்றக் கோரி நீதிமன்றத்தை நாடுவோம்

புதுச்சேரி, ஆக.11 'ரெஸ்டோபார்' கொலை வழக்கை சிபிஐ விசாரணைக்கு மாற்றக் கோரி காங்கிரஸ் கட்சி சார்பில் உயர்நீதிமன்றத்தை நாடுவோம் என்று அக்கட்சியின் மூத்த தலைவரும் முன்னாள் முதல்வருமான வி. நாராயணசாமி கூறினார்.

- 

புதுச்சேரியில் ரெஸ்டோபாரில் (நடனத்துடன் கூடிய மது அருந்தும் கேளிக்கை விடுதி) ஞாயிற்றுக்கிழமை அதிகாலை நடைபெற்ற மோதலில் கல்லூரி மாணவர் குத்திக்கொலை செய்யப்பட்ட நிகழ்வு பரபரப்பை ஏற்படுத்தியுள்ள நிலையில், இந்த சம்பவம் தொடர்பாக, முன்னாள் முதல்வர் நாராயணசாமி திங்கள்கிழமை புதுச்சேரியில் செய்தியாளர்களிடம் கூறியதாவது:

புதுச்சேரிக்கு பிறந்தநாளைக் கொண்டாட வந்தபோது ரெஸ்டோபாரில் கல்லூரி மாணவர் குத்திக் கொலை செய்யப்பட்டுள்ளார். மற்றொரு மாணவர் மருத்துவமனையில் உயிருக்குப் போராடிக் கொண்டிருக்கிறார்.