ரவிசங்கர் பிரசாத் தலைமையிலான குழு பிரான்ஸ் பயணம்

பாஜக முன்னாள் எம்.பி.யும், இந்திய குத்துச் சண்டை சம்மேளத்தின் முன்னாள் தலைவருமான பிரிஜ் பூஷண் சிங் மீதான போக்ஸோ வழக்கை தில்லி நீதிமன்றம் திங்கள்கிழமை முடித்து வைத்தது.

- 

புது தில்லி, மே 26:

எனினும், அவர் மீது குத்துச் சண்டை வீராங்கனை சாக்ஷி மாலிக் உள்பட 6 பேர் தொடுத்த பாலியல் வழக்கு விசாரணை தொடர்ந்து நடைபெற்று வருகிறது. குத்துச் சண்டையில் ஈடுபடும் சிறுமி அளித்த பாலியல் புகாரை தில்லி போலீஸார் விசாரித்து வந்தனர்.

பிரிஜ் பூஷண் மீது தனது மகள் பொய்யான புகாரை அளித்ததாக அவரது தந்தை விசாரணையின்போது தெரிவித்ததால் இந்த வழக்கை ரத்து செய்ய வேண்டும் என்று 2023, ஜூன் 15-ஆம் தேதி தில்லி போலீஸார் நீதிமன்றத்தில் அறிக்கை தாக்கல் செய்தனர்.

மேலும், அதே ஆண்டு ஆகஸ்ட் 1-ஆம் தேதி நீதிபதி அறையில் நடைபெற்ற விசாரணையின் போது சிறுமி ஆஜராகி தில்லி போலீஸாரின் விசாரணை திருத்தியளிப்பதாகக் கூறியிருந்தார்.

இதையடுத்து, தில்லி போலீஸாரின் வழக்கு ரத்து அறிக்கையை ஏற்றுக் கொள்வதாக தில்லி கூடுதல் செஷன்ஸ் நீதிபதி கோமதி மனோசா திங்கள்கிழமை தெரிவித்து வழக்கை முடித்து வைத்தார்.

பாரீஸ், மே 26: பாகிஸ்தான் ஆதரவு பயங்கரவாதத்துக்கு எதிரான இந்திய நிலைப்பாட்டை எடுத்துரைக்க முன்னாள் மத்திய அமைச்சரும் பாஜக எம்.பி.யுமான ரவிசங்கர் பிரசாத் தலைமையிலான குழு திங்கள்கிழமை பிரான்ஸ் சென்றடைந்தது.

பிரிட்டன், பிரான்ஸ், ஜெர்மனி, ஐரோப்பிய ஒன்றியம், இத்தாலி, டென்மார்க் ஆகிய 6 நாடுகள் சுற்றுப்பயணத்தின் முதல் கட்டமாக ரவிசங்கர் பிரசாத் குழு பிரான்ஸ் சென்றுள்ளது.

பிரான்ஸ் நாடாளுமன்ற உறுப்பினர்கள், வெளியுறவு அமைச்சக அதிகாரிகள் உள்ளிட்டோரை சந்தித்து பாகிஸ்தான் ஆதரவு பயங்கரவாதத்துக்கு எதிரான இந்தியாவின் நிலைப்பாட்டை இந்தக் குழு விளக்கவுள்ளது.