திருவண்ணாமலை, செங்கம், போளூரில் அம்பேத்கர் பிறந்த நாள் விழா

திருவண்ணாமலை, செங்கம், போளூரில் அம்பேத்கர் பிறந்த நாளை முன்னிட்டு, பல்வேறு அமைப்புகள் சார்பில் அவரது சிலைக்கு மாலை அணிவித்து மரியாதை செலுத்தப்பட்டது.

- 

திருவண்ணாமலை திமுக சார்பில் சட்டப்பேரவை துணைத்தலைவர் கு.பிச்சாண்டி தலைமையில் எம்எல்ஏக்கள் மு.பெ.கிரி, பெ.சு.தி.சரவணன், திருவண்ணாமலை முன்னாள் நகர்மன்றத்தலைவர் இரா.ஸ்ரீதரன் மற்றும் திமுகவினர் ஊர்வலமாகச் சென்று அம்பேத்கர் சிலைக்கு மாலை அணிவித்து மரியாதை செலுத்தினர்.

திருவண்ணாமலை கிழக்கு மாவட்ட அதிமுக சார்பில் மாவட்டச் செயலர் எஸ்.ராமச்சந்திரன் தலைமையில் மாநகரச் செயலர் ஜெ.எஸ். (எ) ஜெ.செல்வம் மற்றும் நிர்வாகிகள் அம்பேத்கர் சிலைக்கு மாலை அணிவித்தனர்.

தெற்கு மாவட்ட பாஜக சார்பில் மாவட்டத் தலைவர் கே.ரமேஷ் தலைமையில் கோயில் மற்றும் ஆலய மேம்பாட்டுப் பிரிவின் மாநில துணைத் தலைவர் டி.எஸ்.சங்கர் உள்ளிட்டோர் அம்பேத்கர் சிலைக்கு மாலை அணிவித்து மரியாதை செலுத்தினர்.

நகர காங்கிரஸ் சார்பில், அதன் நகரத் தலைவர் என்.வெற்றிச்செல்வன் தலைமையில் அம்பேத்கர் சிலைக்கு மாலை அணிவித்து மரியாதை செலுத்தினர்.

தெற்கு மாவட்ட மதிமுக சார்பில் மாவட்டச் செயலர் சீனி.கார்த்திகேயன் தலைமையில் அம்பேத்கர் சிலைக்கு மாலை அணிவித்து மரியாதை செலுத்தினர்.