சிஐடியு தொழிற்சங்கத்தினர் ஆர்ப்பாட்டம்

திருவள்ளூர் அருகே தனியார் தொழிற்சாலையில் தொழிலாளர்களை சட்ட விரோதமாக பணி நீக்கம் செய்ததைக் கண்டித்தும், மீண்டும் பணி வழங்கக் கோரியும் சிஐடியு தொழிற்சங்கத்தினர் வியாழக்கிழமை கவன ஈர்ப்பு ஆர்ப்பாட்டத்தில் ஈடுபட்டனர்.

- 

திருவள்ளூர், ஏப். 24:

திருவள்ளூர் அருகே காக்களூர் தொழிற்பேட்டையில் இயங்கும் போலாந்து நாட்டின் கூட்டு நிறுவனத்துக்குச் சொந்தமான தனியார் பர்னிச்சர் மரபொருள்கள் உற்பத்தி செய்து விற்பனை செய்யும் தொழிற்சாலை உள்ளது. இந்த தொழிற்சாலையில் பணியாற்றி வந்த 73 நிரந்தரத் தொழிலாளர்களை பர்னிச்சர் விற்பனை ஆகவில்லை எனக்கூறி நிர்வாகம் கடந்தாண்டு மார்ச் மாதம் தொழிலாளர்களுக்கு சம்பளத்துடன் கூடிய விடுப்பு அளித்துள்ளது.