நபிகளாரின் (ஸல்) அடிச்சுவட்டில்...!

புத்தர், நபிகள் நாயகம் (ஸல்), இயேசு, அருட்பிரகாச வள்ளல் பெருமான், மகாத்மா காந்தி என்று அருளாளர்கள் காலந்தோறும் தழைத்தோங்கி மக்களிடம் மானுட பெருமையையும் இறைக் கோட்பாட்டினையும் ஒருலக - ஓர்குலச் சிந்தனையையும் விதைக்கிறார்கள். நாமும் அவர்கள் மார்க்கம் பின்பற்றி வாழ்வோம்.

- முனைவர் அருணன் கபிலன்

6 இப்படியன் இந்நிறத்தன் இவ்வண்ணத் தன் இவனிறைவன்' என்றெழுதிக் காட்டொணா அத்தலைவனை எல்லாவு யிர்க்கும் அன்புசெய்யும் வழியாகக் கண்டு போற்றியவர்கள் அருளாளர்கள். இவர்கள் தோன்றிய காலம் வேறுவேறு என்றாலும், சிந்தனை ஒன்றே. இவர்கள் சுட்டும் பெயர் கள் வேறுவேறு; ஆனால் இறை ஒன்றே. இவர்கள் அருளிய மொழிகள் வேறுவேறு ஆனால் மார்க்கம் ஒன்றே.

இப்படி எல்லாவற்றிலும் ஒருமை பூண் டொழுகும் இவ்வருளாளர்களில் இஸ் லாமிய மார்க்கத்தை இவ்வுலகம் முழுவ தும் அருள வந்த இறைத் தூதர் அண்ணல் நபிகள் நாயகம் (ஸல்) தொழுதற்குரியவர். இறையை அடையும் வழியில் உயர்ந்தது ஈகம். அவ்வீகம் என்பது பிற உயிர்களுக்குப் பொன்னையோ, பொருளையோ, போகங்க ளையோ ஈவது மட்டுமில்லை. தன்னையே ஈவதும் பிறவுயிர்களின் வருத்தங்கண்டு தான் மெலிவதும் இறைக்கருணைக்கு உகந் ததாகும்.

முல்லைக்குத் தேரையும் மயிலுக்குப் போர்வையையும், பசுவின் கன்றுக்காகத் தன் மகனையும், புறாவுக்காகத் தன் உடலை யும் தந்தவர்களை நம் தமிழ்மரபு அருளா ளர்கள் என்று போற்றுகிறது. இறைக் கரு ணையை வெளிப்படுத்தும் இச்செயற்பாடு கள் இறையருளாட்சி இவ்வுலகை நடத்து கிறது என்பதை மெய்ப்பிக்கிறது. இதுபோ லும் அருட்செயல் அண்ணல் நபிகளின் (ஸல்) வாழ்விலும் நிகழ்ந்துள்ளதைச் சீறாப் புராணம் பதிவு செய்கிறது.

அண்ணல் நபிகள் நாயகம் (ஸல்) ஒரு முறை கானகப் பகுதிக்கு அமைதி தேடிச் சென்றார். அங்கே ஒரு மான் கட்டப் பட்டிருந்தது. தினமும் உயிரினங்களைக் கொன்று உண்ணும் இயல்புடைய வேடன் அதைக் கட்டியிருந்தான். அண்ணல் (ஸல்) நொடிப் பொழுதில் மானின் துயரத்தை உணர்ந்து கொண்டார். பரிசுத்தனான அல் லாகுசுபுகான குவத்த ஆலாவின் தூதராகிய ஸல் நாயகம் நபிமுகம்மது முஸ்தபா றசூல் சல்லல்லாகு அலைகிவ சல்லமவர்கள் தன் னைக் காக்க வந்தாரென்று மகிழ்ந்து பேசத் தொடங்கியது.