5 நாள் தொடர் சரிவுக்குப் பிறகு சென்செக்ஸ் எழுச்சி

இந்த வாரத்தின் முதல் வர்த்தக தினமான திங்கள்கிழமை பங்குச் சந்தையில் காளை எழுச்சி பெற்றது.

- நமது நிருபர்

நமது நிருபர் மும்பை / புதுதில்லி, மார்ச் 17: இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ், தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் லாபத்தில் முடிவடைந்தன.

உலகளாவிய சந்தைக் குறிப்புகள் நேர்மறையாக இருந்தன. இருப்பினும், உள்நாட்டுச் சந்தை எச்சரிக்கையுடன் தொடங்கி சற்று கீழே சென்றது. பின்னர், ஆட்டோ, தனியார் வங்கிகள், நிதி நிறுவனங்கள், மீடியா, ஃபார்மா, ஹெல்த்கேர், மெட்டல் பங்குகளுக்கு வரவேற்பு கிடைத்தது. இதைத் தொடர்ந்து, 5 நாள் தொடர் சரிவுக்குப் பிறகு சந்தை நேர்மறையாக முடிந்தது என்று பங்கு வர்த்தகத் தரகு நிறுவனங்கள் தெரிவித்தன.