சரித்திரம் போற்றும் சாதனைகள்

முதல்வர் ‘திட்டப் பாணியில் மாணவர்களுக்கு உயர்கல்வி, ‘கலைஞர் வீடு கட்டும் திட்டம்’ பாணியில் ஏழைகளுக்கு வீடு கட்ட கடனுதவி ஆகிய மூன்று திட்டங்களைப் பின்பற்றியே பிரிட்டனில் தொழிலாளர் கட்சி (லேபர் கட்சி) வாக்குறுதிகளை அளித்து வெற்றி பெற்றிருக்கிறது.

- 

தமிழ்நாட்டில் ‘திராவிட மாடல்’ ஆட்சியின் சாதனைகளையும், திட்டங்களையும் பிற மாநில அரசுகள் பின்பற்றி வருகின்றன. கல்வி, மருத்துவத் துறைகளில் அளப்பரிய சாதனைகள். இதுமட்டுமா? ‘பெருந்தலைவர் காமராஜர், பேரறிஞர் அண்ணா, முன்னாள் முதல்வர் கருணாநிதி உள்ளிட்டோர் வழியில் மக்கள் போற்றும் மகத்தான திட்டங்களைக் கொண்டு வந்து மக்கள் மனதில் இடம் பிடித்துள்ளார் மு.க.ஸ்டாலின்’. இந்தச் சீரான, சிறப்பான திட்டங்களால் மாணவர்களாலும், பொதுமக்களாலும் அன்போடு ‘அப்பா’ என்று அழைக்கப்படுகிறார்.

கடந்த மூன்றே முக்கால் ஆண்டுகளில், சரித்திரம் பேசும் வகையில் எண்ணற்ற சாதனைகளை திமுகவின் ‘திராவிட மாடல்’ அரசு செயல்படுத்தியுள்ளது. ‘நாள்தோறும் நலத்திட்டங்கள்’ என்பதோடு, தேர்தல் நேரத்தில் அளித்த வாக்குறுதிகளில் 90 சதவீதத்துக்கும் மேல் நிறைவேற்றப்பட்டுள்ளது. ‘மனிதர்களின் கருவறை முதல் கல்லறை வரை திட்டங்கள்’ என்றவாறு சொல்லாமல் நிறைவேற்றிய சாதனைகளும் ஏராளம்.

திமுக அரசின் சாதனைகள் என்பது அனைத்துத் துறைகளிலும் வளர்ச்சியைப் பெற்ற சாதனையாகவே இருக்கிறது. குறுகிய காலத்திலேயே, கரோனா பேரிடரால் பொருளாதாரம் பாதிக்கப்பட்ட நிலையிலேயே சாதனைகளைப் படைத்த சரித்திரம் போற்றும் அரசாக மு.க.ஸ்டாலின் தலைமையிலான அரசு விளங்கி வருகிறது. எண்ணற்ற திட்டங்களைக் கொண்டு மக்களின் மனம் கவர்ந்த அரசாக திமுக அரசு விளங்கிவருகிறது.

2021, மே 7-இல் சென்னை கிண்டியில் உள்ள ஆளுநர் மாளிகையில் நடந்த எளிய விழாவில் முதல்வராக மு.க.ஸ்டாலின் பதவியேற்றார்.

பதவியேற்ற அன்றே குடும்ப அட்டை தாரர்களுக்கு இரண்டு தவணைகளாக தலா ரூ. 2 ஆயிரம் கரோனா நிவாரணம், குடும்ப அட்டைதாரர்களுக்கு 14 மளிகைப்பொருள்கள் தொகுப்பு, இலங்கைத் தமிழர் குடும்பங்களுக்கும் ரூ.4 ஆயிரம் நிவாரண நிதி வழங்கப்பட்டது. ஆவின் பால் விலை குறைப்பு, பெண்கள், திருநங்கையர்கள், மாற்றுத்திறனாளிகளுக்கு கட்டணமில்லா பேருந்துப் பயணம் போன்ற நலத் திட்டங்கள் உடனே செயல்படுத்தப்பட்டன.

பெட்ரோல், டீசல் விலை உச்சத்தில் இருந்தபோது, தமிழ்நாடு அரசின் விற்பனை வரியிலிருந்து ரூ.5 என்ற அளவில் குறைத்து பிற மாநிலங்களுக்கு வழிகாட்டினார் மு.க.ஸ்டாலின்.

முத்திரை பதிக்கும் முத்தான திட்டங்கள்: