உலக பிரச்னைகளின் தீர்வுக்கு இந்தியா தீவிர பங்கு

சர்வதேச விவகாரங்களில் மிகப்பெரிய செல்வாக்கு உள்ள இந்தியா, உலகளாவிய முக்கியப் பிரச்னைகளுக்குத் தீர்வு காண்பதில் தீவிரமாக பங்களிக்கிறது என்று ரஷிய அதிபர் புதின் பாராட்டு தெரிவித்துள்ளார்.

- 

மாஸ்கோ/வாஷிங்டன், ஆக. 15:

இந்தியாவின் 79-ஆவது சுதந்திர தினத்தை முன்னிட்டு, குடியரசுத் தலைவர் திரௌபதி முர்மு, பிரதமர் நரேந்திர மோடி ஆகியோருக்கு ரஷிய அதிபர் புதின், பிரான்ஸ் அதிபர் இமானுவல் மேக்ரான், இஸ்ரேல் பிரதமர் பெஞ்சமின் நெதன்யாகு, மாலத்தீவு அதிபர் முகமது மூயிஸ் உள்ளிட்ட உலக தலைவர்கள் வாழ்த்துகளை தெரிவித்தனர்.

அமெரிக்கா, இலங்கை, சிங்கப்பூர், நேபாளம், ஆஸ்திரேலியா, ஈரான், உக்ரைன் உள்ளிட்ட நாடுகளின் வெளியுறவு அமைச்சர்களும் வாழ்த்துகள் தெரிவித்தனர். தலைவர்களின் வாழ்த்துச் செய்திகள் பின்வருமாறு:

ரஷிய அதிபர் புதின்: உலக அரங்கில் இந்தியாவுக்கு மிகச் சரியான செல்வாக்கு கிடைத்துள்ளது. சர்வதேச அளவில் மிக முக்கியமான விஷயங்களில் தீர்வு காண இந்தியா தீவிரமாக பங்களிக்கிறது.