பாமகவில் ராமதாஸ் வழிகாட்டி மட்டும்தான்: கே.பாலு

பாமக விதிகளின்படி, அதன் நிறுவனர் மருத்துவர் ச.ராமதாஸ் கட்சிக்கு வழிகாட்டலாம்; ஆனால், அவருக்கு எவ்வித அதிகாரமும் கட்சி விதிகளில் வழங்கப்படவில்லை என பாமக செய்தித் தொடர்பாளர் வழக்குரைஞர் கே.பாலு தெரிவித்துள்ளார்.

- 

சென்னை, ஆக.15:

இது குறித்து அவர் வெள்ளிக்கிழமை வெளியிட்ட அறிக்கை: பாமகவை பொருத்தவரை நிறுவனருக்கு உரிய கௌரவம் வழங்கப்பட வேண்டும். கட்சி விதி 13-இன்படி மாநிலப் பொதுக்குழு, அரசியல் தலைமைக் குழு, செயற்குழு ஆகியவற்றின் கூட்டங்களுக்கு நிறுவனர் அழைக்கப்பட்டு, அவரது வழிகாட்டுதலின் அடிப்படையில் கூட்டங்கள் நடத்தப்பட வேண்டும். நிறுவனரின் ஆலோசனையை பொதுக்குழு ஏற்கலாம் அல்லது அதற்கு மாறாகவும் முடிவு எடுக்கலாம்.