குகையில் 2 குழந்தைகளுடன் தங்கி ஆன்மிக வழிபாடு நடத்திய ரஷிய பெண் மீட்பு

வடகர்நாடகத்தில் உள்ள அடர்ந்த வனப் பகுதியில் குகைக்குள் தனது 2 குழந்தைகளுடன் தங்கியிருந்து ஆன்மிக வழிபாட்டில் ஈடுபட்ட ரஷிய பெண்ணை போலீஸார் மீட்டனர்.

- 

கார்வார், ஜூலை 12:

ரஷியாவைச் சேர்ந்த நினா குடினா (எ) மோஹி (40) என்பவர் தனது குழந்தைகளான பிரேயா (6), அமா (4) ஆகியோருடன் வணிக விசாவில் இந்தியாவுக்கு வந்திருக்கிறார். இந்தியாவில் கடைப்பிடிக்கப்படும் ஆன்மிக சடங்குகளில் ஈடுபாடு ஏற்பட்டதையடுத்து, கோவாவிலிருந்து வடகர்நாடகம் வந்த அவர், உத்தர கன்னட மாவட்டம், ராமதீர்த்த மலையில் உள்ள அடர்ந்த வனப் பகுதிக்குச் சென்று அங்கிருந்த குகைக்குள் தங்கி தியானத்தில் ஈடுபட்டுவந்தார்.