மகாராஷ்டிரம் போன்று பிகாரில் தேர்தல் முறைகேட்டை அனுமதிக்க மாட்டோம்

மகாராஷ்டிர பேரவைத் தேர்தலில் பாஜகவுக்கு சாதகமாக தேர்தல் முறைகேடு நடைபெற்றது; பிகார் தேர்தலிலும் அதைத் தொடர மத்திய பாஜக கூட்டணி அரசு முயற்சிக்கிறது. நாங்கள் அதை அனுமதிக்க மாட்டோம் என்று மக்களவை எதிர்க்கட்சித் தலைவர் ராகுல் காந்தி கூறினார்.

- 

பாட்னா, ஜூலை 9: 'மகாராஷ்டிர பேரவைத் தேர்தலில் பாஜகவுக்கு சாதகமாக தேர்தல் முறைகேடு நடைபெற்றது; பிகார் தேர்தலிலும் அதைத் தொடர மத்திய பாஜக கூட்டணி அரசு முயற்சிக்கிறது. நாங்கள் அதை அனுமதிக்க மாட்டோம்' என்று மக்களவை எதிர்க்கட்சித் தலைவர் ராகுல் காந்தி கூறினார்.

மத்திய தொழிற்சங்கத்தினரால் அழைப்பு விடுக்கப்பட்ட நாடு தழுவிய பொது வேலைநிறுத்தம் புதன்கிழமை நடைபெற்றது. பிகாரில் கூடுதலாக வாக்காளர் பட்டியல் திருத்தப் பிரச்னையுடன் சேர்த்து மாநிலம் தழுவிய போராட்டங்களை 'இண்டி' கூட்டணிக் கட்சிகள் நடத்தின.