இந்தியாவின் நிலைப்பாட்டை உலகுக்கு தெளிவுபடுத்திய 'ஆபரேஷன் சிந்தூர்'

'பயங்கரவாதத்துக்கு எதிராக எத்தகைய நடவடிக்கையை மேற்கொள்ளப்படும் என்பதை 'ஆபரேஷன் சிந்தூர்' நடவடிக்கை மூலம் உலகுக்கு இந்தியா தெளிவுபடுத்தியுள்ளது' என்று வெளியுறவு அமைச்சர் ஜெய்சங்கர் கூறினார்.

- அமைச்சர் ஜெய்சங்கர்

வாஷிங்டன், ஜூலை 3:

நிகழாண்டு இறுதியில் இந்தியாவில் நடைபெறவிருக்கும் க்வாட் உச்சிமாநாட்டுக்கான ஆயத்தமாக, உறுப்பு நாடுகளின் வெளியுறவு அமைச்சர்களின் கூட்டம் அமெரிக்க தலைநகர் வாஷிங்டனில் செவ்வாய்க்கிழமை நடைபெற்றது. அமெரிக்க வெளியுறவு அமைச்சர் மார்கோ ரூபியோ விடுத்த அழைப்பை ஏற்று, அமைச்சர்கள் ஜெய்சங்கர் (இந்தியா), பென்னி வாங் (ஆஸ்திரேலியா), டகேஷி இவயா (ஜப்பான்) ஆகியோர் கலந்துகொண்டனர்.