மும்பை அறக்கட்டளை புகாருக்கு எதிராக ஹெச்டிஎஃப்சி வங்கித் தலைவர் உச்சநீதிமன்றத்தில் மனு

மும்பை லீலாவதி மருத்துவமனை அறக்கட்டளை சார்பில் அளிக்கப்பட்ட மோசடிப் புகாருக்கு எதிராக ஹெச்டிஎஃப்சி வங்கித் தலைவர் மற்றும் நிர்வாக இயக்குநர் சசிதர் ஜெகதீசன் உச்சநீதிமன்றத்தில் வியாழக்கிழமை மனு தாக்கல் செய்தார்.

- 

புது தில்லி, ஜூலை 3:

இந்த மனு வெள்ளிக்கிழமை (ஜூலை 4) விசாரிக்கப்பட உள்ளது.

மும்பையில் முன்னணி மருத்துவமனையாகத் திகழும் லீலாவதி மருத்துவமனை உள்பட பல்வேறு அமைப்புகளை நிர்வகிக்கும் லீலாவதி கீர்த்திலால் மேத்தா மருத்துவ அறக்கட்டளையின் நிர்வாகத்தை சேத்தன் மேத்தா குழுமம் சட்டவிரோதமாக கையகப்படுத்துவதற்கு நிதி ஆலோசனை உள்ளிட்ட உதவிகளை வழங்க சசிதர் ஜெகதீசன் ரூ.2.05 கோடி லஞ்சம் பெற்றதாக லீலாவதி அறக்கட்டளை சார்பில் புகார் தெரிவிக்கப்பட்டது.