பஹல்காம் தாக்குதல்: என்ஐஏ வழக்குப் பதிவு

ஆதாரங்கள் சேகரிக்கும் பணி தீவிரம்

- 

புது தில்லி, ஏப். 27: பஹல்காம் பயங்கரவாதத் தாக்குதல் தொடர்பாக தேசிய புலனாய்வு முகமை (என்ஐஏ) ஞாயிற்றுக்கிழமை வழக்குப் பதிவு செய்தது. இதன்மூலம் இச்சம்பவம் தொடர்பான விசாரணையை காவல் துறையிடம் இருந்து என்ஐஏ முறைப்படி ஏற்றிருப்பதாக அதிகாரிகள் தெரிவித்தனர்.

என்ஐஏவின் பல்வேறு குழுக்கள் களமிறக்கப்பட்டு, ஆதாரங்களைத் திரட்டுதல், சம்பவத்தை நேரில் பார்த்தவர்களிடம் விசாரணை போன்ற நடவடிக்கைகள் முடுக்கி விடப்பட்டுள்ளன.