நதிநீர் விவகாரம்: அண்டை மாநிலங்களுடன் பேச்சு நடத்தாதது ஏன்?

அமைச்சர் துரைமுருகன் விளக்கம்

- 

சென்னை, மார்ச் 24: நதிநீர் விவகாரம் தொடர்பாக அண்டை மாநிலங்களுடன் பேச்சு நடத்தாதது ஏன் என்பதற்கு நீர்வளத் துறை அமைச்சர் துரைமுருகன் விளக்கம் அளித்தார்.

நீர்வளத் துறை மானியக் கோரிக்கை மீதான விவாதத்திற்குப் பதில் அளித்து அமைச்சர் துரைமுருகன் பேசியது: கர்நாடகம், கேரளம், ஆந்திரம் ஆகிய மூன்று மாநிலங்களில் இருந்தும் தண்ணீர் வாங்குகிறோம் என்று எதிர்க்கட்சித் தலைவர் கூறினார். அப்படித்தான் நம்முடைய நிலைமை உள்ளது.

மூன்று மாநிலங்களிலும் தண்ணீர் பெறும் உரிமை நமக்கு இருக்கிறது. ஆனால், உரிமை மறுக்கப்படுகிறது. அதற்காகப் போராட்டங்களை நடத்த வேண்டியுள்ளது. உச்சநீதிமன்றத்தில் ஆண்டுக்கணக்கில் வழக்கு நடைபெற்று வருகிறது.