உயர் தரத்துடன் இந்திய தயாரிப்புப் பொருள்கள்

பிரதமர் மோடி வலியுறுத்தல்

- 

இந்தியாவில் தயாரிக்கப்படும் பொருள்கள், உயர் தரத்துக்கு மறுபெயராக விளங்கவேண்டும் என்றுதொழில் துறை மற்றும் புத்தாக்க நிறுவனங்களுக்கு பிரதமர் நரேந்திர மோடி வலியுறுத்தினார்.

பிரதமர் மோடி ஒவ்வொரு மாதமும் கடைசி ஞாயிற்றுக்கிழமையில் 'மனதின் குரல்' (மன் கீ பாத்) வானொலி நிகழ்ச்சி வாயிலாக நாட்டு மக்களுக்கு உரையாற்றி வருகிறார். 130-ஆவது மனதின் குரல் நிகழ்ச்சி ஞாயிற்றுக்கிழமை (ஜன. 25) ஒலிபரப்பானது. அதில் பிரதமரின் உரை வருமாறு:

2026-ஆம் ஆண்டின் முதல் மனதின் குரல் இது. திங்கள்கிழமையன்று (ஜன.26) நாட்டின் குடியரசு தினத்தைக் கொண்டாடவுள்ளோம். இந்த நாளில்தான் நமது அரசமைப்புச் சட்டம் அமலானது. அரசமைப்புச் சட்டத்தின் சிற்பிகளை நினைவுகூரும் தருணமிது. ஞாயிற்றுக்கிழமை (ஜன.25) தேசிய வாக்காளர் தினம் கொண்டாடப்பட்டது. வாக்காளர்தான் ஜனநாயகத்தின் ஆன்மா.