குடும்பத் தகராறில் மனைவி சுட்டுக் கொலை: கணவர் தற்கொலை

சூலூர் அருகே குடும்பத் தகராறில் மனைவியை துப்பாக்கியால் சுட்டுக்கொன்ற கணவர், கேரளத்துக்குச் சென்று தன்னையும் துப்பாக்கியால் சுட்டு தற்கொலை செய்துகொண்டார்.

- 

சூலூர், மார்ச் 3:

கோவை மாவட்டம், சூலூரை அடுத்த பட்டணம்புதூரைச் சேர்ந்தவர் கிருஷ்ணகுமார் (45).

இவரின் மனைவி சங்கீதா (42).

இவர்களுக்கு 12, 10-ஆம் வகுப்பு படிக்கும் இரண்டு மகள்கள் உள்ளனர். சங்கீதா கோவையில் உள்ள ஒரு தனியார் பள்ளியில் ஆசிரியராக பணிபுரிந்து வந்தார்.

மலேசியாவில் பணியாற்றி வந்த கிருஷ்ணகுமார் கடந்த 10 ஆண்டுகளுக்கு முன்பு கோவைக்கு வந்தவர், கேரள மாநிலம், வடக்கஞ்சேரியில் தோட்டம் வாங்கி விவசாயம் செய்து வந்தார்.