எண்மக் கைதுக்கு எதிராக இரும்புக்கர நடவடிக்கை தேவை: உச்சநீதிமன்றம்

நாடு முழுவதும் ரூ.3,000 கோடி மோசடி

- 

'எண்மக் கைது (டிஜிட்டல் அரெஸ்ட்) முறைகேடு மூலம் நாடு முழுவதும் ரூ.3,000 கோடிக்கு மேல் மோசடி நடைபெற்றிருப்பது அதிர்ச்சியளிக்கிறது. இதுபோன்ற குற்றச் செயல்களை இரும்புக்கரம்கொண்டு அடக்க வேண்டியது அவசியம்' என உச்சநீதிமன்றம் திங்கள்கிழமை வலியுறுத்தியது.

அரசுத் துறை அதிகாரிகள் போல் தங்களை சித்தரித்து ஆடியோ மற்றும் விடியோ அழைப்புகள் மூலம் முதியவர்கள், பெண்கள் என பல்வேறு தரப்பினரைக் தொடர்புகொண்டு அவர்களை அச்சுறுத்தி இணைய வழியில் பணம் பறிக்கும் சம்பவங்கள் அதிகரித்து வருகின்றன.

எண்மக் கைது என கூறப்படும் இந்த மோசடியில் நீதிமன்றத்துக்கு உதவுவதற்காக வழக்குரைஞர் ஒருவர் நியமிக்கப்பட்டார். அவர் மூலமாக சீலிடப்பட்ட இரு உறைகளில் மத்திய உள்துறை அமைச்சகம் மற்றும் சிபிஐ அறிக்கைகளை உச்சநீதிமன்றத்தில் சமர்ப்பித்தது.