பாகிஸ்தானின் 6 போர் விமானங்கள் அழிப்பு

ஆபரேஷன் சிந்தூர் குறித்து விமானப் படை தலைமைத் தளபதி

- 

பெங்களூரு, ஆக. 9: 'ஆபரேஷன் சிந்தூர்' நடவடிக்கையின்போது 6 பாகிஸ்தான் போர் விமானங்கள் சுட்டு வீழ்த்தப்பட்டன என்று விமானப் படை தலைமைத் தளபதி அமர்பிரீத் சிங் தெரிவித்தார். இந்த சண்டையில் பாகிஸ்தான் விமானப் படைக்கு ஏற்பட்ட இழப்பு குறித்து முதல்முறையாக இந்தியா தெரிவித்திருப்பது குறிப்பிடத்தக்கது.

எச்.ஏ.எல். நிறுவனத்தின் ஒத்துழைப்போடு விமானப் படை சங்கத்தின் கர்நாடக கிளை சார்பில் பெங்களூரு எச்.ஏ.எல். அகாதெமி அரங்கில் சனிக்கிழமை நடைபெற்ற 16-ஆவது விமானப் படை தலைமைத் தளபதி எல்.எம். கட்ரே நினைவு உரையின்போது அவர் பேசியதாவது:

காஷ்மீரில் ஏப். 22-ஆம் தேதி நடந்த பஹல்காம் பயங்கரவாதத் தாக்குதலுக்குப் பதிலடி கொடுக்கும் வகையில் மேற்கொள்ளப்பட்ட 'ஆபரேஷன் சிந்தூர்' நடவடிக்கையின்போது பாகிஸ்தான் நாட்டின் 6 போர் விமானங்கள் சுட்டு வீழ்த்தப்பட்டன.