சபரிமலையில் ஜூலை 30இல் நிறைபுத்தரி பூஜை: அச்சன்கோவிலிலிருந்து நாளை நெற்கதிர் ஊர்வலம்

சபரிமலையில் புதன்கிழமை (ஜூலை 30) நிறைபுத்தரி பூஜை நடைபெறவுள்ளதை முன்னிட்டு, அச்சன்கோவிலில் ஐயப்பன் கோயிலிலிருந்து நெற்கதிர்கள் ஊர்வலம் செவ்வாய்க்கிழமை (ஜூலை 29) நடைபெறவுள்ளது.

- 

தென்காசி, ஜூலை 27: சபரிமலையில் புதன்கிழமை (ஜூலை 30) நிறைபுத்தரி பூஜை நடைபெறவுள்ளதை முன்னிட்டு, அச்சன்கோவிலில் ஐயப்பன் கோயிலிலிருந்து நெற்கதிர்கள் ஊர்வலம் செவ்வாய்க்கிழமை (ஜூலை 29) நடைபெறவுள்ளது.

இதுதொடர்பாக அச்சன்கோவிலில் திருஆபரணப்பெட்டி தமிழக பொறுப்பாளரும் நிறைபுத்தரி கோஷயாத்திரை பொறுப்பாளருமான தென்காசி ஏசிஎஸ். ஹரிகரன் குருசாமி வெளியிட்ட அறிக்கை: நிறைபுத்தரி என்றால் நிறையும் புது அரிசி எனப் பொருள். மலையாளப் புத்தாண்டான சிங்கமாதப் பிறப்புக்கு முன்பாக கற்கடக மாதத்தில் அறுவடையான நெற்கதிர்களை சுவாமிக்கு படைத்து வழிபட்டு, புத்தாண்டையும், பண்டிகைக் கொண்டாட்டங்களையும் தொடங்குவது வழக்கம். இதுவே நிறைபுத்தரி பூஜையாகும்.