பழைய பூங்காக்கள், சாலைகள் விரைந்து சீரமைக்கப்படும்: மேயர்

தூத்துக்குடி மாநகராட்சி பகுதிகளில் உள்ள பழைய பூங்காக்கள், விடுபட்ட சாலைகள் விரைவில் சீரமைக்கப்படும் என மேயர் ஜெகன் பெரியசாமி தெரிவித்தார்.

- 

தூத்துக்குடி, ஏப்.30:

தூத்துக்குடி மாநகராட்சி சாதாரண கூட்டம் புதன்கிழமை நடைபெற்றது. இக்கூட்டத்துக்கு, மேயர் ஜெகன்பெரியசாமி தலைமை வகித்தார். மாநகராட்சி ஆணையர் லி.மதுபாலன், துணை மேயர் ஜெனிட்டா ஆகியோர் முன்னிலை வகித்தனர். இக்கூட்டத்தை மேயர் ஜெகன் பெரியசாமி தொடங்கி வைத்து பேசியது, மக்கள் குறைதீர் முகாமில் இதுவரை சுமார் 2,500-க்கும் மேற்பட்ட மனுக்கள் பெறப்பட்டு, அதில் பெரும்பாலான மனுக்களுக்கு தீர்வு காணப்பட்டுள்ளது. சுமார் 1700 சாலைகள், 2100 தெரு விளக்குகள் அமைக்கும் பணி விரைவில் தொடங்கப்படும்.