தில்லியில் மாணவர்கள், இளைஞர்கள் போராட்டம்

கரப்பான்பூச்சி ஜனதா கட்சிக்கு ஆதரவாக திரண்டனர்

- 

நீட், சிபிஎஸ்இ தேர்வுகளில் நடந்ததாகக் கூறப்படும் முறைகேடுகள் தொடர்பாக, மத்திய கல்வி அமைச்சர் தர்மேந்திர பிரதான் பதவி விலகக் கோரி, புது தில்லியில் கரப்பான் பூச்சி ஜனதா கட்சி (சிஜேபி) சார்பில் சனிக்கிழமை போராட்டம் நடைபெற்றது.

இதில் ஏராளமான மாணவர்களும், இளைஞர்களும் பங்குகொண்டனர்.

தில்லி வந்த தீப்கே ..: கரப்பான் பூச்சி ஜனதா கட்சியின் நிறுவனர் அபிஜீத் தீப்கே அமெரிக்காவில் இருந்து சனிக்கிழமை தில்லி வந்தார். இதைத் தொடர்ந்து கரப்பான்பூச்சி ஜனதா கட்சி சார்பில் தில்லியில் சனிக்கிழமை போராட்டம் நடைபெற்றது.

ஜந்தர் மந்தரில் நடைபெற்ற இப்போராட்டத்தில் பங்கேற்க அபிஜீத் தீப்கே ஏற்கெனவே விடுத்த அழைப்பின்பேரில், நூற்றுக்கணக்கான மாணவர்களும், இளைஞர்களும் பங்குகொண்டனர். அமைச்சர் பிரதான் பதவி விலகக் கோரும் சுவரொட்டிகளை ஏந்தியிருந்த போராட்டக்காரர்கள், கரப்பான் பூச்சி உருவம் பொறித்த முகமூடிகளை அணிந்திருந்தனர்.