தஞ்சாவூர் மாவட்டத்தில் பலத்த மழையால் கரும்பு பயிர்கள் சேதம்

தஞ்சாவூர் மாவட்டத்தில் சனிக்கிழமை இரவு பெய்த பலத்த மழையால் சில கிராமங்களில் கரும்பு பயிர்கள் சாய்ந்தன.

- 

தஞ்சாவூர், ஆக. 3:

மேலும், நெல் கொள்முதல் நிலையத்தில் விவசாயிகள் விற்பனைக்காக வைத்திருந்த நெல் குவியல்களும் நனைந்தன.

தஞ்சாவூர் மாவட்டத்தில் வெள்ளிக்கிழமை முதல் இரவு நேரத்தில் பரவலாக மழை பெய்து வருகிறது. இதேபோல, சனிக்கிழமை இரவும் பரவலாகவும், சில இடங்களில் பலத்த காற்றுடனும் மழை பெய்தது. தஞ்சாவூர் அருகே குருங்குளம், தோழகிரிப்பட்டி, தங்கப்பஉடையான்பட்டி, முதுகுளம் ஆகிய பகுதிகளில் பலத்த காற்றுடன் பெய்த மழையால் கரும்பு பயிர்கள் சாய்ந்தன.

இது குறித்து விவசாயிகள் கூறுகையில், 12 மாத பயிரான கரும்பு தற்போது 8 மாத வளர்ச்சி நிலையில் உள்ளது. ஏக்கருக்கு ரூ. 50 ஆயிரம் வரை செலவு செய்துள்ளோம். இன்னும் 4 மாதங்களில் அறுவடை செய்யப்பட இருந்த நிலையில், சனிக்கிழமை இரவு சூறாவளியுடன் பெய்த மழையால் கரும்பு பயிர்கள் சாய்ந்தன.