சிறுபான்மையினர் மேம்பாட்டுக்கு 3 ஆண்டுகளில் ரூ.2,347 கோடி விடுவிப்பு

சிறுபான்மையின சமூகத்தைச் சேர்ந்த 5.50 லட்சம் மக்கள் பயன்பெறும் வகையில், சலுகை கடனாக கடந்த மூன்று ஆண்டுகளில் ரூ.2,347 கோடியை தேசிய சிறுபான்மையினர் மேம்பாடு மற்றும் நிதி கழகம் (என்எம்டிஎஃப்சி) விடுவித்ததாக மத்திய அரசு புதன்கிழமை தெரிவித்தது.

- 

புது தில்லி, மார்ச் 12:

இதுகுறித்து மக்களவையில் சிறுபான்மையினர் விவகாரங்கள் அமைச்சர் கிரண் ரிஜிஜூ அளித்த எழுத்துப்பூர்வ பதிலில், 'சிறுபான்மையினருக்கான தேசிய ஆணைய சட்டம், 1992-இன் கீழ் பௌத்தம், கிறிஸ்துவம், சமணம், இஸ்லாம், பார்சி மற்றும் சீக்கியம் ஆகிய மதங்களைச் சேர்ந்தவர்கள் சிறுபான்மையினராக கருதப்படுவர்.

இவர்கள் என்எம்டிஎஃப்சி வழங்கும் சலுகைக் கடன்களை பெற முதல் வகைப்பாட்டின்கீழ் குடும்ப ஆண்டு வருமானம் ரூ.3 லட்சம் வரையிலும் இரண்டாம் வகைப்பாட்டின்கீழ் ரூ.8 லட்சம் வரையிலும் இருக்க வேண்டும்.