கோவை அருகே பிடிபட்ட சிறுத்தை உயிரிழப்பு

கோவை அருகே கால்நடைகளைத் தாக்கிக் கொன்றுவந்த சிறுத்தை செவ்வாய்க்கிழமை பிடிபட்ட நிலையில், உடல் நலக்குறைவு காரணமாக அது உயிரிழந்தது.

- 

மதுக்கரை, மார்ச் 11:

கோவை மாவட்டம், ஓணாப்பாளையம் சுற்றுவட்டாரப் பகுதிகளில் கடந்த ஒரு மாதமாக சுற்றிவந்த சிறுத்தை அப்பகுதிகளில் உள்ள கால்நடைகளை வேட்டையாடியது. கடந்த சில நாள்களுக்கு முன்பு விவசாயத் தோட்டத்தில் கட்டி வைத்திருந்த 4 ஆடுகளை சிறுத்தை கடித்துக் கொன்றது.

இதையடுத்து சிறுத்தையைப் பிடிக்க அப்பகுதியில் கண்காணிப்பு கேமரா மற்றும் கூண்டு அமைத்து வனத் துறையினர் தீவிர கண்காணிப்புப் பணியில் ஈடுபட்டு வந்தனர்.