பொருளாதாரத்தை மேம்படுத்தும் ஜிஎஸ்டி மறுசீரமைப்பு

ஜிஎஸ்டி மறுசீரமைப்பு இந்திய பொருளாதாரத்தை மேம்படுத்தும் என பிரதமர் அருங்காட்சியகம் மற்றும் நூலகத்தின் நிர்வாகக் குழு உறுப்பினர் எஸ்.கிருஷ்ணன் தெரிவித்துள்ளார்.

- 

புது தில்லி, செப். 14:

இதுகுறித்து அவர் கூறியிருப்பதாவது: நிகழாண்டு சுதந்திர தின உரையில் பிரதமர் நரேந்திர மோடி பொதுமக்களுக்கு ஒரு தீபாவளிப் பரிசு காத்திருக்கிறது என்று குறிப்பிட்டார். அதன்படியே செப். 3-ஆம் தேதி நடைபெற்ற ஜிஎஸ்டி கவுன்சில் கூட்டத்தில் 'அடுத்த தலைமுறை ஜிஎஸ்டி' என்ற பெரிய அளவிலான மறுசீரமைப்பு முறை விவாதிக்கப்பட்டு, வரும் செப். 22-ஆம் தேதிமுதல் நடைமுறைக்கு வரும் என்று அறிவிக்கப்பட்டது.

மத்திய நிதி அமைச்சர் நிர்மலா சீதாராமன் வெளியிட்ட ஜிஎஸ்டி மறுசீரமைப்பு அறிவிப்பு நாட்டின் வரிவிதிப்பு முறையில் அண்மைக் காலத்தில் செய்யப்பட்ட பெரும் மாற்றமாகக் கருதப்படுகிறது.