அதிகாரத்திலிருப்போர் ஜாதிய பாகுபாடுகளின் பார்வையாளராக இருக்க முடியாது

அதிகாரத்தில் இருப்போர் ஜாதிய பாகுபாடுகளின் பார்வையாளராக இருக்க முடியாது என சென்னை உயர்நீதிமன்ற மதுரை அமர்வு தெரிவித்தது.

- 

மதுரை, ஜூலை 16:

தென்காசியைச் சேர்ந்த திருமலைசாமி சென்னை உயர்நீதிமன்ற மதுரை அமர்வில் தாக்கல் செய்த மேல் முறையீட்டு மனு: தென்காசி மாவட்டம், புளியங்குடி காவல் நிலையத்துக்குள்பட்ட தலைவன்கோட்டை கிராமப் பகுதியில் குடிநீர் பிரச்னை தொடர்பாக ஒரு சமுதாயத்தை அவதூறாகப் பேசி கொலை மிரட்டல் விடுத்ததாக புளியங்குடி போலீஸார் என் மீது எஸ்.சி., எஸ்.டி. சட்டப் பிரிவின்கீழ் வழக்குப் பதிந்தனர். இந்த வழக்கை விசாரித்த தென்காசி விசாரணை நீதிமன்றம் எனக்கு ஓராண்டு சிறை தண்டனை, ரூ. ஆயிரம் அபராதம் விதித்து உத்தரவிட்டது. எனவே, எனக்கு விதிக்கப்பட்ட தண்டனையை நிறுத்திவைத்து, பிணை வழங்க வேண்டும் எனக் கோரியிருந்தார்.