உண்மையையும் உறுதிப்படுத்தும் பொறுப்பு அவசியம்

ஊடகவியலாளர்களுக்கு குடியரசு துணைத் தலைவர் சி.பி. ராதாகிருஷ்ணன் அறிவுரை

- நமது சிறப்பு நிருபர்

பொய்ச் செய்திகள் மற்றும் தவறான தகவல்களால் சவால்கள் அதிகரித்துவரும் நிலையில், அவற்றை எதிர்கொண்டு உண்மையை உறுதிப்படுத்தும் பொறுப்பை ஊடகவியலாளர்கள் கொண்டிருக்க வேண்டும் என்று குடியரசு துணைத் தலைவர் சி.பி. ராதாகிருஷ்ணன் அறிவுறுத்தினார்.

புது தில்லியை தலைமையிடமாகக் கொண்டு செயல்பட்டுவரும் ஊடகத் துறை சார்ந்த கல்வி நிறுவனமான இந்தியன் இன்ஸ்டிட்யூட் ஆஃப் மாஸ் கம்யூனிகேஷன் 57ஆவது பட்டமளிப்பு விழா தலைநகரில் வெள்ளிக்கிழமை நடைபெற்றது. இந்த நிகழ்ச்சியில் தலைமை விருந்தினராகக் கலந்துகொண்டு குடியரசுத் தலைவர் சி.பி. ராதாகிருஷ்ணன் பேசியதாவது:

போலிச் செய்திகள் மற்றும் தவறான தகவல்களால் சவால்கள் அதிகரித்துள்ளன. இந்த நேரத்தில் உண்மையை நிலைநிறுத்தவும், தவறான தகவல்களைக் கண்டறிந்து உண்மையை விளக்க வேண்டிய பொறுப்பு பத்திரிகையாளர்களுக்கு உள்ளது. ஊடகத் துறையில் ஏற்பட்டு வரும் மாற்றங்களைச் சிந்தித்து அதற்கேற்ப புத்தாக்க படைப்புத்திறன்களை மேம்படுத்திக்கொள்ளுங்கள்.