84 பேருக்கு தலா ரூ.25,000 இழப்பீடு வழங்க சத்தீஸ்கர் அரசுக்கு உயர்நீதிமன்றம் உத்தரவு

சத்தீஸ்கரில் பள்ளி ஒன்றில் நாய் அசுத்தப்படுத்திய உணவை மாணவர்களுக்குப் பரிமாறிய விவகாரத்தை தாமாக முன்வந்து விசாரித்த அந்த மாநில உயர் நீதிமன்றம், "சம்பந்தப்பட்ட 84 மாணவர்களுக்கு தலா ரூ.25,000 நஷ்ட ஈடாக மாநில அரசு வழங்க வேண்டும்" என்று உத்தரவிட்டது.

- 

பிலாஸ்பூர், ஆக. 21:

பலோடா பஜார் மாவட்டத்தில் லச்சன்பூர் கிராமத்தில் உள்ள அரசுப் பள்ளியில் மாணவர்களுக்கு வழங்குவதற்காக கடந்த 29ஆம் தேதி மதிய உணவு தயாரிக்கப்பட்டது. அப்போது அங்கு வந்த ஒரு தெருநாய் அந்த உணவை அசுத்தப்படுத்தியது. இது குறித்து மாணவர்கள் ஆசிரியர்களுக்கு தகவல் தெரிவித்தனர். இதையடுத்து அந்த உணவை மாணவர்களுக்கு பரிமாற வேண்டாம் என்று அதைத் தயாரித்த சுய உதவிக்குழுவினரை ஆசிரியர்கள் கேட்டுக்கொண்டனர். எனினும் அதைக் கேட்காமல் மாணவர்களுக்கு அந்த உணவை சுய உதவிக்குழுவினர் பரிமாறினர். 84 மாணவர்கள் அந்த உணவைச் சாப்பிட்டனர்.