மருத்துவமனையில் இருந்தபடி முதல்வர் அரசுப் பணி

மருத்துவமனையில் இருந்தவாறே அரசுப் பணிகளை முதல்வர் மு.க.ஸ்டாலின் தொடர்ந்து வருகிறார்.

- 

சென்னை, ஜூலை 22:

லேசான தலைசுற்றல் காரணமாக, சென்னை அப்பல்லோ மருத்துவமனையில் முதல்வர் ஸ்டாலின் அனுமதிக்கப்பட்டுள்ளார். அவர் அங்கு மூன்று நாள்கள் ஓய்வு மற்றும் மருத்துவக் கண்காணிப்பில் இருந்து வருகிறார். மருத்துவமனையில் இருந்தபடியே அவர் அலுவலகப் பணிகளை மேற்கொள்ளலாம் என்று மருத்துவர்கள் தெரிவித்தனர்.

அதன் அடிப்படையில், தலைமைச் செயலர் உள்ளிட்ட அதிகாரிகளுடன் அரசுப் பணிகள் குறித்து அவர் செவ்வாய்க்கிழமை ஆலோசனை நடத்தியதாக தமிழக அரசின் செய்தியில் தெரிவிக்கப்பட்டுள்ளது.