சிந்து நதி நீர் ஒப்பந்தம்: நடுவர் நீதிமன்றத் தீர்ப்பை நிராகரித்தது இந்தியா

சிந்து நதி நீர் ஒப்பந்தத்தை இந்தியா நிறுத்திவைத்துள்ள நிலையில், ஜம்மு-காஷ்மீரில் இரு நீர்மின் நிலையத் திட்டங்கள் தொடர்பான விசாரணையை இந்த முடிவு கட்டுப்படுத்தாது என்று நெதர்லாந்தின் தி ஹேக் நகரில் செயல்படும் நிரந்தர நடுவர் நீதிமன்றம் துணைத் தீர்ப்பு ஒன்றை வழங்கியுள்ளது.

- 

புது தில்லி/இஸ்லாமாபாத், ஜூன் 28:

இத்தீர்ப்பை திட்டவட்டமாக நிராகரித்துள்ள இந்தியா, 'சிந்து நதிநீர் ஒப்பந்தத்தின் கீழ் அமைக்கப்பட்டதாகக் கூறப்படும் இந்த நடுவர் நீதிமன்றத்தின் சட்டபூர்வ இருப்பை இந்தியா அங்கீகரிக்க வில்லை' என்று தெரிவித்தது.

ஜம்மு-காஷ்மீரின் பஹல்கா மில் கடந்த ஏப்ரல் மாதம் 26 பேர் கொல்லப்பட்ட பயங்கரவாதத் தாக்குதலுக்குப் பதிலடியாக, பாகிஸ்தானுக்கு எதிராக இந்தியா ராஜீய ரீதியில் பல்வேறு கடுமையான நடவடிக்கைகளை மேற்கொண்டது. சிந்து நதிநீர் பகிர்வுக்கான 65 ஆண்டுகால ஒப்பந்தம் நிறுத்திவைப்பு, எல்லைகள் மூடல், விசா ரத்து போன்ற நடவடிக்கைகள் எடுக்கப்பட்டன.