பிரதமர் மோடியுடன் ஆஸ்திரேலிய துணைப் பிரதமர் சந்திப்பு

பயங்கரவாத எதிர்ப்பு நடவடிக்கைகளுக்கு ஆதரவு

- 

புது தில்லி, ஜூன் 4: பிரதமர் நரேந்திர மோடியை ஆஸ்திரேலிய துணைப் பிரதமரும் பாதுகாப்புத் துறை அமைச்சருமான ரிச்சர்டு மார்லஸ் புதன்கிழமை சந்தித்தார்.

அப்போது எல்லை தாண்டிய பயங்கரவாதத்துக்கு எதிரான இந்திய நடவடிக்கைகளுக்கு ஆஸ்திரேலியா ஆதரவளிப்பதாக ரிச்சர்டு மார்லஸ் தெரிவித்தார்.

இந்தியாவுக்கு சுற்றுப்பயணம் மேற்கொண்டுள்ள ரிச்சர்டு மார்லஸ் பிரதமர் மோடி மற்றும் பாதுகாப்புத் துறை அமைச்சர் ராஜ்நாத் சிங் ஆகியோரை தனித்தனியே சந்தித்து ஆலோசனை நடத்தினார்.

கடந்த மாதம் நடைபெற்ற ஆஸ்திரேலிய நாடாளுமன்றத் தேர்தலில் மீண்டும் வெற்றிபெற்று அந்நாட்டு பிரதமராக ஆண்டனி ஆல்பனேசி பதவியேற்ற பின் முதல்முறையாக அந்நாட்டு அமைச்சர் ஒருவர் இந்தியாவுக்கு வந்துள்ளார்.