அடல் ஓய்வூதியத் திட்டத்தில் இணைவோர் எண்ணிக்கை அதிகரிப்பு

அடல் ஓய்வூதியத் திட்டத்தில் இணைவோர் எண்ணிக்கை தொடர்ந்து அதிகரித்து வருகிறது. கடந்த மார்ச் மாத நிலவரப்படி 7.61 கோடி பேர் இத்திட்டத்தில் இணைந்துள்ளனர்.

- 

புது தில்லி, ஜூன் 3:

இது தொடர்பாக இந்தியன் வங்கியின் நிர்வாக இயக்குநர் மற்றும் தலைமைச் செயல் அதிகாரி வினோத் குமார் கூறியுள்ளதாவது: இந்தியாவின் பொருளாதார வளர்ச்சி குறிப்பிடத்தக்க வகையில் முன்னேறி வருகிறது. ஆனால், குடிமக்களுக்கு, குறிப்பாக அமைப்பு சாரா துறையில் உள்ள தொழிலாளர்களுக்கு, அவர்களது பணி ஓய்வு காலத்தில் நிதிப் பாதுகாப்பை உறுதி செய்வது என்பது பெரும் சவாலாகவே உள்ளது. நாட்டில், 85 சதவீதத்துக்கும் அதிகமான தொழிலாளர்கள் அமைப்புசாரா துறையில் பணிபுரிந்து வருகின்றனர்.

அமைப்புசாரா தொழிலாளர்களுக்கு ஓய்வு பெறும் வயதில் பெரும்பாலும் வயதான காலங்களில் எந்த வித வருமானமும் இல்லாத நிலை உள்ளது.