மணிப்பூரில் முழு அடைப்புப் போராட்டம்; இயல்பு வாழ்க்கை பாதிப்பு

மணிப்பூரில் மைதேயி-குகி சமூகங்களுக்கு இடையிலான வன்முறை தொடங்கி 2 ஆண்டுகள் நிறைவடைந்த நிலையில், வன்முறையால் உயிரிழந்தவர்களுக்கு இரங்கல் தெரிவிக்கும் வகையில் முழு அடைப்புப் போராட்டம் சனிக்கிழமை நடைபெற்றது.

- 

இம்பால், மே 3:

வடகிழக்கு மாநிலங்களில் ஒன்றான மணிப்பூரில் பெரும்பான்மை மைதேயி சமூகத்தினருக்கு பழங்குடி அந்தஸ்து வழங்குவதற்கு மலைவாழ் குகி மற்றும் பிற பழங்குடி சமூகத்தினர் கடும் எதிர்ப்புத் தெரிவித்தனர்.

இது தொடர்பாக கடந்த 2023-ஆம் ஆண்டு மே 3-ஆம் தேதி நடைபெற்ற பேரணியில் வன்முறை வெடித்தது. மாநிலம் முழுவதும் பரவிய வன்முறை, இரு சமூகங்களுக்கு இடையே இன மோதலாக மாறியது.

இதில் 260-க்கும் மேற்பட்டோர் கொல்லப்பட்டனர். 1,500 பேர் காயமடைந்தனர்; 70,000-க்கும் மேற்பட்டோர் நிவாரண முகாம்களில் தங்கியுள்ளனர்.

பதற்றத்தைத் தணிக்க ஊரடங்கு கட்டுப்பாடுகள் விதிக்கப்பட்டன. இணைய சேவை துண்டிக்கப்பட்டது.