6-ஆவது அனைத்துலக சைவ சித்தாந்த மாநாடு இன்று தொடக்கம்

6-ஆவது அனைத்துலக சைவ சித்தாந்த மாநாடு சென்னையை அடுத்த காட்டாங்குளத்தூரில் சனிக்கிழமை (மே 3) முதல் மே 5-ஆம் தேதி வரை 3 நாள்கள் நடைபெறவுள்ளது.

- 

சென்னை, மே 2:

இதில் தமிழக ஆளுநர் ஆர்.என்.ரவி, மகாராஷ்டிர ஆளுநர் சி.பி.ராதாகிருஷ்ணன், மத்திய சுகாதாரம் மற்றும் குடும்பநலத் துறை அமைச்சர் ஜெ.பி.நட்டா, உச்சநீதிமன்ற நீதிபதி அரங்க.மகாதேவன், தினமணி ஆசிரியர் கி.வைத்தியநாதன் உள்ளிட்ட பல்வேறு முக்கிய ஆளுமைகள் கலந்து கொள்ளவுள்ளனர்.

திருக்கயிலாயப் பரம்பரைத் தருமை ஆதீனம், அனைத்துலக சைவ சித்தாந்த ஆராய்ச்சி நிறுவனம் மற்றும் எஸ்ஆர்எம் பல்கலைக்கழகத் தமிழ்ப் பேராயம் சார்பில் 6-ஆவது அனைத்துலக சைவசித்தாந்த மாநாடு சென்னை காட்டாங்குளத்தூரில் உள்ள எஸ் ஆர் எம் பல்கலைக்கழகத்தில் சனிக்கிழமை (மே 3) முதல் மே 5-ஆம் தேதி வரை 3 நாள்கள் நடைபெறவுள்ளது.