காலத்தை வெல்லும் கலாசாரம்!

முனைவர் எஸ்.பாலசுப்ரமணியன்

- முனைவர் எஸ்.பாலசுப்ரமணியன்

தமிழ் கலாசாரம் பல்லாயிரம் ஆண்டுகளுக்கு ஒரு பண்பாட்டுப் பெருமை கொண்டது. இங்கு செழித்தோங்கியுள்ள பாரம்பரியக் கலைகள், நமது மண்ணின் மணத்தையும், மக்களின் வாழ்வியலையும், காலத்தின் சுவடுகளையும் பிரதிபலிக்கின்றன. கரகாட்டம், கும்மி, தெருக்கூத்து, சிலம்பாட்டம், பொய்க்கால் குதிரை ஆட்டம், ஓவியங்கள், சிற்பங்கள், இசை, நாடகம் என எண்ணற்ற கலை வடிவங்கள் நம் மண்ணில் உள்ளன. ஆனால், நவீன உலகின் வேகமான மாற்றங்களால் இன்று பல பாரம்பரியக் கலைகள் அழிவின் விளிம்பில் தள்ளப்பட்டுள்ளன. நமது அடையாளத்தையும் பெருமையையும் தாங்கி நிற்கும் இந்த பாரம்பரியக் கலைகளை நாம் கட்டாயம் பாதுகாக்க வேண்டும். நமது நல்ல கலைச் செல்வங்கள் பிறருக்குத் தெரியாமலே போவதற்குப் பல காரணங்கள் உள்ளன. சில நேரங்களில், கலைகளைப் பாதுகாக்கும் பொறுப்பில் இருப்பவர்களின் தவறுகளும் காரணமாக அமைகின்றன. அவர்களின் சூழல் காரணமாக அவற்றைப் புரிந்துகொள்ளாமல் இருக்கலாம் அல்லது அவற்றின் மதிப்பை உணரத் தவறலாம்.

பாரம்பரியக் கலைகளைப் பாதுகாப்பதற்கான நேரம் இதுவே. ஒவ்வொருவரும் தங்களால் முடிந்த பங்களிப்பைச் செய்ய முன்வந்தால், இந்த அரிய கலைகளை நாம் நிச்சயமாகக் காப்பாற்ற முடியும். பாரம்பரியக் கலைகளை வெளிப்படுத்த முதல் வழி, அவற்றை நாம் அறிந்துகொள்வது தான். இந்தக் கலை வடிவங்களின் சிறப்பை நாம் அறிந்து மற்றவர்களுக்கு எடுத்துரைப்பதன்மூலம் அவற்றைப் பாதுகாக்க முடியும். நமது அறிவும் பகிர்தலும் இந்த கலைகளுக்கு ஓர் அரணாக அமையும்.