சென்னையில் அடுத்தடுத்து 6 இடங்களில் பெண்களிடம் நகை பறிப்பு

சென்னையில் 6 இடங்களில் தங்கச் சங்கிலியைப் பறித்துவிட்டு மும்பை செல்வதற்காக விமானத்தில் செல்லத் தயாரான இருவரை போலீஸார் கைது செய்தனர். மேலும், ரயிலில் தப்பிச் சென்ற ஒருவரை ஆந்திர மாநிலம் ஓங்கோலில் போலீஸார் கைது செய்தனர்.

- 

சென்னை, மார்ச் 25: சென்னையில் 6 இடங்களில் தங்கச் சங்கிலியைப் பறித்துவிட்டு மும்பை செல்வதற்காக விமானத்தில் செல்லத் தயாரான இருவரை போலீஸார் கைது செய்தனர். மேலும், ரயிலில் தப்பிச் சென்ற ஒருவரை ஆந்திர மாநிலம் ஓங்கோலில் போலீஸார் கைது செய்தனர்.

சென்னை அருகே உள்ள ஈஞ்சம்பாக்கம் பெத்தேல்நகரைச் சேர்ந்தவர் வெ.இந்திரா (54). இவர், நந்தனம் பேரன்பேட்டை இரண்டாவது தெருவில் செவ்வாய்க் கிழமை காலை 6 மணியளவில் நடந்து சென்று கொண்டிருந்தார். அப்போது அங்கு மோட்டார் சைக்கிளில் வந்த இரு நபர்கள், இந்திரா அணிந்திருந்த ஒன்றரை பவுன் தங்கச் சங்கிலியைப் பறித்துச் சென்றனர். இதேபோன்று அடையாறு பரமேஸ்வரியைச் சேர்ந்த வி.அம்புஜம்மாள் அணிந்திருந்த ஒரு பவுன் தங்கச் சங்கிலி, திருவான்மியூர் பெரியார்நகரைச் சேர்ந்த அ.லட்சுமி (54), இந்திராநகர் 29-ஆவது குறுக்குத் தெருவில் நடந்து செல்லும்போது அவரது 8 பவுன் தங்கச் சங்கிலி, கிண்டி பாரதி நகரைச் சேர்ந்த வே.நிர்மலா (60) அணிந்திருந்த 10 பவுன் தங்கச் சங்கிலி ஆகியவற்றையும் பறித்தனர்.

மேடவாக்கம் சந்தோஷ்புரத்தைச் சேர்ந்த சீ.விஜயா (72) அணிந்திருந்த 2 பவுன் தங்கச் சங்கிலி, வேளச்சேரி மேட்டுத் தெருவைச் சேர்ந்த வெ.முருகம்மாளிடம் (55) 3 பவுன் தங்கச் சங்கிலியையும் பறித்துச் சென்றனர். இந்த சம்பவங்கள் அனைத்தும் காலை 6 மணிக்கு தொடங்கி காலை 7.10 மணிக்குள் நடந்தன.