'ஜனநாயகன்' படத்துக்கு தணிக்கை சான்று கோரிய வழக்கு: தீர்ப்புக்காக ஒத்திவைப்பு

நடிகர் விஜய் நடித்துள்ள 'ஜனநாயகன்' படத்துக்கு தணிக்கை சான்று வழங்கக் கோரிய வழக்கை தீர்ப்புக்காக சென்னை உயர்நீதிமன்றம் ஒத்திவைத்தது.

- 

சென்னை உயர்நீதிமன்றத்தில் வி.கே.என்.புரொடக்ஷன் நிறுவனம் தாக்கல் செய்த மனுவில், நடிகர் விஜய் உள்ளிட்டோர் நடித்துள்ள 'ஜனநாயகன்' திரைப்படத்தை எங்களது நிறுவனம் தயாரித்துள்ளது. எச்.வினோத் இயக்கியுள்ள இந்தத் திரைப்படம் பொங்கல் பண்டிகையை முன்னிட்டு வரும் ஜன.9-ஆம் தேதி வெளியாகும் என அறிவிக்கப்பட்டது. இந்தப் படத்துக்கு தணிக்கைச் சான்றிதழ் கோரி விண்ணப்பித்தும் தணிக்கை வாரியம் சான்றிதழ் வழங்கவில்லை.

இந்த வழக்கை விசாரித்த உயர்நீதிமன்றம், படத்துக்கு எதிர்ப்பு தெரிவித்து தாக்கல் செய்யப்பட்டுள்ள புகார் உள்ளிட்ட விவரங்களை தாக்கல் செய்ய மத்திய திரைப்பட தணிக்கை வாரியத்துக்கு உத்தரவிட்டிருந்தது.