சாலை மறியலில் ஈடுபட்ட ஆசிரியர்கள் 570 பேர் கைது

பழைய ஓய்வூதியத் திட்டத்தை அமல்படுத்துதல் உள்பட 10 அம்சக் கோரிக்கைகளை வலியுறுத்தி, சிவகங்கையில் இரண்டாவது நாளாக சாலை மறியல் போராட்டத்தில் ஈடுபட்ட தமிழ்நாடு தொடக்கக் கல்வி ஆசிரியர் இயக்கங்களின் கூட்டு நடவடிக்கை குழுவைச் (டிட்டோ-ஜாக்) சேர்ந்த 98 பெண்கள் உள்பட 217 பேரை போலீஸார் வெள்ளிக்கிழமை கைது செய்தனர்.

- 

சிவகங்கை/ராமேசுவரம், ஜூலை 18:

சிவகங்கை அரண்மனை வாசலில் நடைபெற்ற போராட்டத்துக்கு மாவட்ட ஒருங்கிணைப்பாளர் சகாய தைனேஸ் தலைமை வகித்தார். மாவட்ட உயர்மட்டக்குழு உறுப்பினர்கள் அன்பரசு பிரபா கர், ஜான் பீட்டர், மனோகரன், செல்வகுமார், சக்திவேல், ராமராஜன், அருள் ஆகியோர் முன்னிலை வகித்தனர்.

தமிழ்நாடு ஆரம்பப் பள்ளி ஆசிரியர் கூட்டணி மாநிலப் பொதுச் செயலரும், 'டிட்டோ-ஜாக்' மாநில உயர்மட்டக் குழு உறுப்பினருமான சா.மயில் போராட்டத்தைத் தொடங்கி வைத்து பேசினார்.

பின்னர், அவர் செய்தியாளர்களிடம் கூறியதாவது: