ரயில் நிலைய பெயர்ப் பலகையில் கருப்பு வண்ணம் பூசினால் 6 மாதம் சிறை

ஹிந்தியில் எழுதப்பட்ட ஊர்ப் பெயரை அழிக்கிறோம் என்ற பெயரில் ரயில் நிலையங்களில் உள்ள பெயர்ப் பலகைகளில் கருப்பு மை பூசி சேதப்படுத்தும் நடவடிக்கையில் ஈடுபடும் நபர்கள் மீது கடும் நடவடிக்கை எடுக்கப்படும் என்று ரயில்வே நிர்வாகம் எச்சரித்தது.

- 

சென்னை, பிப். 24:

ரயில்வே சொத்துகள் பாதுகாப்புச் சட்டப்படி, இத்தகைய குற்றங்களில் ஈடுபடுவோரை 6 மாதம் வரை சிறையில் அடைக்க சட்ட வாய்ப்பு உள்ளதாக ரயில்வே பாதுகாப்புப் படை எச்சரித்துள்ளது.

மத்திய அரசு ஹிந்தியை திணிப்பதாகக் கூறி தமிழகத்தில் திமுக ஆதரவு அரசியல் கட்சிகள் மற்றும் இயக்கங்கள் எதிர்ப்பு தெரிவித்து வருகின்றன. ஒரு சில இடங்களில் மத்திய அரசு மத்திய அரசுக்கு எதிராக போராட்டங்களை நடத்தி வருகின்றன.