தலைமறைவான இரு மாவோயிஸ்ட் பயங்கரவாதிகள் கைது

தமிழகத்தில் தலைமறைவாக இருந்து வந்த இரு மாவோயிஸ்ட் பயங்கரவாதிகளை க்யூ பிரிவு போலீஸார் கைது செய்தனர்.

- 

சென்னை, பிப்.22:

தேனி மாவட்டம் பண்ணைபுரம் பகுதியைச் சேர்ந்தவர் கார்த்திக் (41). இவர், தடை செய்யப்பட்ட மாவோயிஸ்ட் இயக்கத்தில் இணைந்து செயல்பட்டு வந்தார். கார்த்திக் தேனி மாவட்டம் பெரியகுளம் அருகே முருகமலை வனப்பகுதி, கேரள மாநிலம் வயநாடு வனப்பகுதியில் மாவோயிஸ்ட்டுகளுடன் ஆயுத பயிற்சியில் ஈடுபட்ட போது கைது செய்யப்பட்டு சிறையில் அடைக்கப்பட்டார்.

இந்த வழக்கில் பிணையில் வெளிவந்த கார்த்திக் 2011-ஆம் ஆண்டு முதல் தலைமறைவாக இருந்து வந்தார். தலைமறைவாக இருந்தபடி மாவோயிஸ்ட் இயக்கத்தில் தீவிரமாக இயங்கியபடி சட்டவிரோத நடவடிக்கைகளிலும் ஈடுபட்டார். தமிழகத்தில் மட்டுமன்றி பிற மாநிலங்களிலும் பல குற்றச்செயல்களில் ஈடுபட்டார்.