தஞ்சை மாவட்டத்தில் சுதந்திர தின விழா நலத்திட்ட உதவிகள் வழங்கினார் ஆட்சியர்

தஞ்சாவூர் ஆயுதப் படை மைதானத்தில் நடைபெற்ற சுதந்திர தின விழாவில் மாவட்ட ஆட்சியர் பா. பிரியங்கா பங்கஜம் தேசியக் கொடியை ஏற்றி வைத்து, 32 பேருக்கு ரூ. 2.03 கோடி மதிப்பில் நலத்திட்ட உதவிகளை வெள்ளிக்கிழமை வழங்கினார்.

- 

தஞ்சாவூர், ஆக. 15: தஞ்சாவூர் ஆயுதப் படை மைதானத்தில் நடைபெற்ற சுதந்திர தின விழாவில் மாவட்ட ஆட்சியர் பா. பிரியங்கா பங்கஜம் தேசியக் கொடியை ஏற்றி வைத்து, 32 பேருக்கு ரூ. 2.03 கோடி மதிப்பில் நலத்திட்ட உதவிகளை வெள்ளிக்கிழமை வழங்கினார்.

இவ்விழாவில் காவல் துறையினரின் அணிவகுப்பை ஏற்று, மாவட்ட ஆட்சியர் தேசியக் கொடியை ஏற்றி வைத்து, தியாகிகளின் வாரிசுதாரர்களுக்கு கதர் ஆடை அணிவித்து கௌரவித்தார். பின்னர், மாவட்ட இயக்க மேலாண்மை அலகு சார்பில் 16 சுய உதவிக் குழுக்களுக்கு ரூ. 1.33 கோடி கடனுதவியும், தாட்கோ, வேளாண் பொறியியல் துறை, தொழில் வணிகத் துறை உள்ளிட்ட பல்வேறு துறைகளின் சார்பில் மொத்தம் 32 பேருக்கு ரூ. 2.03 கோடி மதிப்பில் நலத்திட்ட உதவிகளை ஆட்சியர் வழங்கினார். மேலும், சிறப்பாக பணி யாற்றிய 364 அரசு அலுவலர்களுக்கு சான்றிதழ்களை வழங்கிப் பாராட்டினார்.