போதைப் பொருள்கள் இல்லாத தமிழ்நாடு' உறுதிமொழி ஏற்பு

அரியலூர் அரசு மருத்துவக் கல்லூரி மருத்துவமனையில் திங்கள்கிழமை போதைப் பொருள்கள் இல்லாத தமிழ்நாடு உறுதிமொழி ஏற்கப்பட்டது.

- 

அரியலூர், கரூர், அரவக்குறிச்சி, ஆக. 11:

சென்னை நந்தனம் அரசு கலைக்கல்லூரி வளாகத்தில், தமிழக துணை முதல்வர் உதயநிதி ஸ்டாலின் தலைமையில் திங்கள்கிழமை நடைபெற்ற போதைப் பொருள்கள் இல்லாத தமிழ்நாடு உறுதிமொழி ஏற்கும் நிகழ்ச்சி காணொளி காட்சி வாயிலாக அரியலூர் அரசு மருத்துவக் கல்லூரி மருத்துவமனை அனிதா அரங்கில் ஒளிபரப்பு செய்யப்பட்டது.

இதனையடுத்து மாவட்ட ஆட்சியர் பொ.ரத்தினசாமி, மாவட்ட காவல் கண்காணிப்பாளர் விஷ்வேஷ் பா.சாஸ்திரி, மாவட்ட வருவாய் அலுவலர் க.ரா.மல்லிகா, அரியலூர் அரசு மருத்துவக் கல்லூரி மருத்துவமனை முதன்மையர் முத்து கிருஷ்ணன், மாவட்ட கூடுதல் காவல் கண்காணிப்பாளர் முத்தமிழ்செல்வன் உள்ளிட்டோர் உறுதிமொழி எடுத்துக் கொண்டனர்.