சித்தன்னவாசல் ரூ. 3.9 கோடியில் விரைவில் மேம்பாடு!

புதுக்கோட்டை மாவட்டத்தின் சுற்றுலாத்தலங்களில் முதன்மையானதாக உள்ள சித்தன்னவாசல் சுற்றுலாத் தலத்தை ரூ.3.9 கோடியில் மேம்படுத்தும் பணிகள் விரைவில் தொடங்கப்படவுள்ளன.

- நமது நிருபர்

நமது நிருபர் புதுக்கோட்டை, ஜூலை 6:

புதுக்கோட்டை நகரில் இருந்து அன்னவாசல் செல்லும் சாலையில் 17 கிமீ தொலைவிலுள்ளது சித்தன்னவாசல்.

சமணத் தீர்த்தங்கரரின் சிலையுடன் கூடிய அறிவர் கோவில் என்றழைக்கப்படும் குடைவரைக்குள் மகேந்திரவர்ம பல்லவர் காலத்தைய குகை ஓவியமும், மலைக் குன்றின் மேலே உள்ள சமணர் படுக்கைகளும், மாநிலம் கடந்து நாடு தழுவிய சுற்றுலாப் பயணிகளை ஈர்க்கின்றன.