சர்வதேச யோகா தினம்: நாடு முழுவதும் மக்கள் ஆர்வத்துடன் பங்கேற்பு

சர்வதேச யோகா தினத்தையொட்டி நாடு முழுவதும் பல்வேறு நகரங்களில் விமர்சையாக நடைபெற்ற யோகா தின நிகழ்ச்சிகளில் மக்கள் ஆர்வமாக கலந்து கொண்டனர்.

- 

புது தில்லி, ஜூன் 21:

சியாச்சின் முதல் விசாகப்பட்டினம் கடற்கரை வரை, இந்திய ஆயுதப் படையினரும் யோகா நிகழ்ச்சிகளில் பங்கேற்றனர். இவர்களுடன் மத்திய அமைச்சர்கள், மாநில மற்றும் யூனியன் பிரதேச ஆளுநர்கள் மற்றும் முதல்வர்கள், எம்.பி., எம்.எல்.ஏக்கள், தொழிலதிபர்கள் உள்ளிட்டோரும் உற்சாகமாக இணைந்தனர்.

சர்வதேச யோகா தினம் கடந்த 2014-ஆம் ஆண்டு டிசம்பரில் ஐ.நா. சபையால் ஏற்றுக்கொள்ளப்பட்டதைத் தொடர்ந்து, ஆண்டுதோறும் ஜூன் 21-ஆம் தேதி உலகம் முழுவதும் யோகா தினம் கடைப்பிடிக்கப்படுகிறது.

குடியரசுத் தலைவர் திரௌபதி முர்மு உத்தரகண்டின் டேராடூனில், பிரதமர் நரேந்திர மோடி ஆந்திரத்தின் விசாகப்பட்டினத்தில் நடைபெற்ற யோகா நிகழ்ச்சிகளில் கலந்து கொண்டார்.