மதுரையில் நாளை திமுக பொதுக்குழு கூட்டம்

முதல்வர் மு.க. ஸ்டாலின் பங்கேற்பு

- 

மதுரை, மே 30: திமுக பொதுக்குழு கூட்டம் அந்தக் கட்சியின் தலைவரும், முதல்வருமான மு.க. ஸ்டாலின் தலைமையில் மதுரை உத்தங்குடியில் ஞாயிற்றுக்கிழமை (ஜூன் 1) நடைபெறுகிறது.

சென்னையில் கடந்த 3-ஆம் தேதி நடைபெற்ற திமுக மாவட்டச் செயலர்கள் கூட்டத்தில், கட்சியின் மாநிலப் பொதுக்குழு கூட்டம் மதுரையில் ஜூன் 1-ஆம் தேதி நடைபெறும் என அதன் தலைவரும், தமிழக முதல்வரான மு.க. ஸ்டாலின் அறிவித்தார்.

இதையடுத்து, மதுரை உத்தங்குடியில் சுமார் 20 ஏக்கரில் குளிரூட்டப்பட்ட வசதியுடன் சுமார் 10 ஆயிரம் பேர் அமரும் வகையிலான பிரம்மாண்டமான அரங்கம், 100 பேர் அமரக் கூடிய அளவில் கூட்ட மேடை, 2 ஆயிரத்துக்கும் அதிகமானோர் ஒரே நேரத்தில் உணவருந்தும் வகையிலான உணவுக் கூடம், வாகன நிறுத்துமிடங்கள் போன்றவை அமைக்கப்பட்டுள்ளன.