நகை பறிப்பு வழக்கில் தேடப்பட்டவர் தனிப்படை போலீஸாரால் சுட்டுப்பிடிப்பு

சங்ககிரி அருகே நகை பறிப்பு வழக்கில் தேடப்பட்டு வந்தவரை போலீஸார் பிடிக்க முயன்றபோது, அவர் போலீஸாரை அரிவாளால் வெட்டிவிட்டு தப்ப முயன்றார். அப்போது போலீஸார் அவரை துப்பாக்கியால் சுட்டுப்பிடித்தனர். இந்த சம்பவத்தில் உதவி ஆய்வாளர் உள்பட இருவர் காயமடைந்தனர்.

- 

சங்ககிரி, மே 24: சங்ககிரி அருகே நகை பறிப்பு வழக்கில் தேடப்பட்டு வந்தவரை போலீஸார் பிடிக்க முயன்றபோது, அவர் போலீஸாரை அரிவாளால் வெட்டிவிட்டு தப்ப முயன்றார். அப்போது போலீஸார் அவரை துப்பாக்கியால் சுட்டுப்பிடித்தனர். இந்த சம்பவத்தில் உதவி ஆய்வாளர் உள்பட இருவர் காயமடைந்தனர்.

சேலம் மாவட்டம், சங்ககிரி அருகே உள்ள வைகுந்தம், வாழக்குட்டை பகுதியில் கடந்த மே 3 ஆம் தேதி பெருமாயி (60) என்பவரை இருசக்கர வாகனத்தில் வந்த நபர் தாக்கி, அவர் அணிந்திருந்த நகைகளை பறித்துச் சென்றார்.

இதேபோல, மகுடஞ்சாவடி அருகே உள்ள மொட்டாண்டி பாளையத்தில் வீட்டில் தனியாக இருந்த மூதாட்டி ராசம்மாள் (75) என்பவரை தாக்கி அவரிடமிருந்து தங்க மோதிரத்தை மர்ம நபர் பறித்துச் சென்றார். இந்த இரண்டு சம்பவங்களும் ஒரே மாதிரியாக இருந்ததால் அப்பகுதிகளில் உள்ள கண்காணிப்பு கேமரா மற்றும் தடயங்களை சேகரித்து போலீஸார் விசாரணை மேற்கொண்டனர்.

சங்ககிரி உள்கோட்ட துணை காவல் கண்காணிப்பாளர் ஆர். சிந்து மேற்பார்வையில் மகுடஞ்சாவடி காவல் ஆய்வாளர் செந்தில்குமார், சங்ககிரி காவல் உதவி ஆய்வாளர் விஜயராகவன், தலைமை காவலர்கள் அரசு, வேல்முருகன், முதல்நிலை காவலர் செல்வகுமார், குழந்தைவேலு ஆகியோரை கொண்ட தனிப்படை போலீஸார், தமிழகத்தின் பல்வேறு பகுதிகளில் நகை பறிப்பு திருடரை தேடி வந்தனர்.

இந்நிலையில் சங்ககிரியிலிருந்து சின்னாகவுண்டனூர் செல்லும் சாலையில் ஆஞ்சனேயர் கோயில் அருகே மலையடிவார பகுதியில் ஒருவர் பதுங்கியிருப்பதாக தனிப்படை போலீஸாருக்கு ரகசிய தகவல் கிடைத்தது.