கேரளம்: காட்டு யானைகள் தாக்கி பழங்குடியினர் இருவர் உயிரிழப்பு

கேரள மாநிலம், திருச்சூரில் உள்ள அதிரப்பள்ளி வனப் பகுதியில் காட்டு யானைகள் தாக்கியதில் பெண் உள்பட பழங்குடியினர் இருவர் உயிரிழந்தனர்.

- 

திருச்சூர், ஏப். 15:

இது தொடர்பாக காவல் துறையினர் செவ்வாய்க்கிழமை கூறியதாவது:

யானைகளால் தாக்கப்பட்டு உயிரிழந்த சதீஷ் (30), அம்பிகா (37) ஆகிய இருவரும், திருச்சூர் அருகே வழச்சலில் உள்ள பழங்குடியின குடியிருப்பைச் சேர்ந்தவர்கள் என அடையாளம் காணப்பட்டுள்ளனர்.

இக்குடியிருப்பைச் சேர்ந்த 2 பழங்குடியின குடும்பத்தினர், அதிரப்பள்ளி வனப் பகுதியில் நீர்வீழ்ச்சிக்கு அருகே உயரமான பாறை மீது தற்காலிக கூடாரங்கள் அமைத்து, தேன் உள்ளிட்ட வனப் பொருள்களை சேகரிக்கும் பணியில் ஈடுபட்டிருந்தனர். கடந்த திங்கள்கிழமை இரவில் இவர்களை காட்டு யானைகள் கூட்டம் தாக்கியுள்ளது. இதில் இருவர் உயிரிழந்தனர்.