19-ஆம் நூற்றாண்டில் பயன்பாட்டிலிருந்த 4 வகையான ஆண்டுக் கணக்குகள்

புதுக்கோட்டையிலுள்ள தண்டாயுதபாணி கோயில் பராமரிப்புப் பணியின் போது வெளிப்பட்ட கல்வெட்டில், கடந்த 19-ஆம் நூற்றாண்டில் 4 வகையான ஆண்டுக் கணக்குகளும் பயன்பாட்டில் இருந்துள்ளது தெரியவந்திருக்கிறது.

- 

புதுக்கோட்டை, மார்ச் 25:

புதுக்கோட்டை மாவட்டம், புதுகை நகரிலுள்ள நைனாராஜு தண்டாயுதபாணி கோயிலில் பராமரிப்பு பணியின் போது வெளிப்பட்ட கல்வெட்டு குறித்து கிடைத்த தகவலின்பேரில், புதுகை தொல்லியல் ஆய்வுக் கழகத்தினர் அண்மையில் ஆய்வு மேற்கொண்டனர்.

அக்கல்வெட்டில் தமிழ் எண்களில் சக ஆண்டு, கலியுக ஆண்டு, தமிழ் ஆண்டு, ஆங்கில ஆண்டு ஆகிய 4 வகையான ஆண்டுக் கணக்குகள் குறிக்கப்பட்டுள்ளதைக் கண்டறிந்துள்ளனர்.