பால்வளத் திட்டங்களுக்கு ரூ.6,190 கோடி நிதி

மத்திய அமைச்சரவை ஒப்புதல்

- 

புது தில்லி, மார்ச் 19: தேசிய அளவிலான 2 பால்வளத் திட்டங்களின் நிதி ஒதுக்கீட்டை ரூ.6,190 கோடியாக உயர்த்த மத்திய அமைச்சரவை புதன்கிழமை ஒப்புதல் அளித்தது.

அதேபோல், யூரியா தேவையில் இந்தியாவை தன்னிறைவு அடையச் செய்யும் முயற்சியின் ஒரு பகுதியாக, அஸ்ஸாம் மாநிலத்தில் ரூ.10,601.4 கோடி மதிப்பீட்டில் புதிதாக யூரியா ஆலை அமைக்கவும் பிரதமர் மோடி தலைமையிலான மத்திய அமைச்சரவை அனுமதியளித்தது.

நாட்டின் பால் உற்பத்தியை அதிகரிக்கும் நோக்கில் மத்திய அரசால் செயல்படுத்தப்படும் ராஷ்ட்ரீய கோகுல் மிஷன் (ஆர்ஜிஎம்) மற்றும் தேசிய பால்வள வளர்ச்சித் திட்டம் (என்பிடிடி) ஆகிய 2 திருத்தப்பட்ட திட்டங்களுக்கான நிதி ஒதுக்கீட்டை ரூ.6,190 கோடியாக உயர்த்த மத்திய அமைச்சரவை ஒப்புதல் அளித்துள்ளது.